ترجمہ وحواشی: ثاقب اکبر

بِسْمِ اللّٰہِ الرَّحْمٰنِ الرَّحِیْمِ

اللہ کے نام جو رحمن ورحیم ہے

تحریر: سید اسد عباس تقوی

راہ حل یقیناً جاری سیاسی نظام کی ازسرنو تشکیل ہے، جو ایک خاص وقت، وسائل اور کاوش کی متقاضی ہے۔ اس دوران میں ہاتھ پر ہاتھ دھر کے بیٹھ رہنا دانشمندی نہیں۔ انسانی زندگی میں اکثر ایسے مواقع آتے ہیں جہاں وہ اپنی خواہش کے مطابق نتائج حاصل نہیں کر رہا ہوتا، لیکن اس کے باوجود کوشش کو بھی ترک نہیں کرتا۔ آپ اپنی روزمرہ زندگی کو ہی لے لیجیے، پاکستان کے اکثر شہریوں کے ماہانہ اخراجات ان کی آمدن سے زیادہ ہیں، کیا اس پریشانی میں لوگ گھر بیٹھ جاتے ہیں کہ ہم کوشش کے باوجود اخراجات پورے نہیں کر پا رہے، اس لیے یہ کام ہی چھوڑ دو۔ نہیں ایسا کبھی نہیں ہوا، زندگی کا پہیہ بہر صورت رواں رہتا ہے کیونکہ خدا نے انسان کے ذمہ کوشش رکھی ہے، نتائج نہیں۔

تحریر: ثاقب اکبر

خواب و خیال کی دنیا سے نکل کر حقائق کی دنیا میں واپس آئے بغیر امت اسلامیہ کی نشاۃ ثانیہ کا خواب شرمندہ تعبیر نہیں ہوسکتا اور اس کے لئے عصر حاضر میں ایک معیار ہے اور وہ یہ ہے کہ اسرائیل اور امریکہ جس تحریک کی سرپرستی کر رہے ہوں وہ کسی صورت بھی برحق نہیں ہوسکتی اور وہ تحریک جو اسرائیل اور امریکہ کے مقابلے میں خم ٹھونک کر کھڑی ہو حق کو اسی کی صفوں میں تلاش کرنے کی ضرورت ہے۔

تحریر: ثاقب اکبر

مسلمانوں کو تاریخ کی ناروا گرفت سے آزاد کرکے دین کی ثابت اور غیر متغیر اقدار پر پھر سے اکٹھا کرنا چاہیے۔ اسلام کا نام نہ فقط قرآن کے منزل من اللہ ہونے پر ایمان رکھنے والوں کے لیے خوشگوار ہونا چاہیے بلکہ دنیا کو امن و سلامتی، ترقی و کمال اور خوشحالی کا گہوارہ بنانے کی تمنا رکھنے والے سب انسانوں کے لیے خوشگوار اور جاذب ہونا چاہیے۔ وطن پرستی، نسل پرستی، مسلک پرستی، شخصیت پرستی اور دیگر پرستشوں سے نجات حقیقی توحید پرستی ہی میں مضمر ہے۔ توحید پرستی۔۔۔ انسانی مساوات و وحدت جس کا معاشرتی مظہر ہے۔